Преспа форумот за дијалог беше и помина, но заложбите, намерите, очекувањата уште долго ќе се отсликуваат во процесите што доаѓаат на регионален, Европски, трансатлантски план. Северна Македонија како домаќин и организатор на овој собир со над 300 еминентни учесници од САД и Европа, го освои вниманието на светските дипломати како светол пример поради придонесот кон регионалната соработка и поимањето на дијалогот како единствена алатка за надминување на сите несогласувања и препреки. Но, она што остави ,,горчлив“ вкус околу целата оваа работа е што во опозиционите кампуси Преспа форумот и политичката, дипломатската и тинк тенк елитата што ја собра на едно место, воопшто не беше споменат.
Учесниците на Преспа форумот за дијалог, без исклучок и независно дали се од регионот, Европа и од светот , испорачаа планетарна поддршка за заложбите на Северна Македонија во реализацијата на Преспанскиот Договор и спроведувањето на политиката што ја води земјава, додека опозиционите партии останаа изолирани во своите блокади и во недавањето поддршка на успесите на нашата држава,
Дотолку повеќе што ниту еден претставник од опозициските партии немаше на Преспа форумот, кој ја стави земјава во центарот на политичките случувања во Европа и светот, само покажува по кој знае кој пат дека изборот на опозицијата е меѓународна изолација, и дека дневнополитичките и теснопартиските интереси им се на прво место пред државните и национални интереси.
Оттаму станува јасно дека иако декларативно опозицијата го поддржува членството на Северна Македонија во НАТО, со ставовите за Преспанскиот договор тие де факто не го поддржуваат и се против тој акт, со кого по 25 години ни се отворија вратите на НАТО, каде сега стоиме рамо до рамо со најразвиените земји во светот.
Јавноста го цени сето ова, исто како што цени дека Преспанскиот договор е реалност и „ виновник“за излегувањето на земјава од изолација, но истовремено и пример како треба да се пристапи и како да се решаваат отворените проблеми и конфликтите, потврдија сите гости на Форумот, без исклучок.
Помошник државниот секретар на САД, за Европа и Евроазија Филип Рикер на Преспа Форумот за дијалог истакна дека Преспанскиот договор е пример за целиот свет, не само за регионот а за тоа, како се пристапува и како се решава децениски спор.
„Она што отскокнува за мене и за многумина Американци , е што во Преспа постои стандард за останатите во регионот и за остатокот од светот, како се решаваат отворените конфликти преку дијалог. Меѓународната заедница го препознава значителниот напредок што досега го направи Република Северна Македонија и храброста што е потребна да се соочи со досегашните предизвици“ кажа Рикер.
Од друга страна пак ,додека државата бележи успеси и политиките на Северна Македонија се претставуваат како светол пример во светот, некои повторно повикуваат на дуел на кој би се разговарало за детали кои патем им се познати на целиот свет. Заробена во својата политика на изолационизам, опозицијата обвинува за предавство на македонскиот јазик и идентитет во преговорите со Бугарија, додека цела Европа и светот знаат дека никој не преговара и не може да преговара за тоа.
Јавноста знае дека опозицијата настапува контрадикторно кога од една страна вели дека власта извршила предавство а потоа обвинуваат дека власта е виновна за ветото од Бугарија.
„За сите е јасно дека никој не разговара за македонскиот јазик и идентитет и тоа го потврдуваат сите.Дури и Бугарија одговори на предлог- Патоказот од каде што се гледа дека не се разговара за јазикот и идентитетот.Само на опозицијата и треба декалрација за тоа, изјави вчера премиерот Заев.