Хуан Мартин дел Потро е последниот полуфиналист на АТП турнирот во Акапулко што се игра за награден фонд од 1,642,795 милиони долари. Аргентинецот, рано утринава, во четврт-финалето го совлада Доминик Тим со 6:2, 7:6 што воедно беше и четврта негова победа во исто толку одиграни мечеви со австрискиот тенисер. Негов ривал за место во финале ќе биде Александар Зверев кој претходно триумфира над Американецот Рајан Харисон со 6:4, 6:1.
Втората полуфинална двојка на турнирот во Мексико ја оформија Кевин Андерсон и Џеред Доналдсон. Јужноафриканецот во четврт-финалето го елиминира Хјеон Чунг од Јужна Кореја со 7:6, 6:4 додека Американецот за само 53 минути го реши Фелисијано Лопез од Шпанија со 6:3, 6:1.
АТП турнир во Акапулко/награден фонд 1,642,795 милиони долари
Четврт-финале
Дел Потро (6., Аргентина) – Тим (3., Австрија) 6:2, 7:6
А. Зверев (2., Германија) – Харисон (САД) 6:4, 6:1
Андерсон (5., Ј. Африка) – Чунг (Ј. Кореја) 7:6, 6:4
Доналдсон (САД) – Лопез (Шпанија) 6:3, 6:1