Нови проблеми за Хуан Мартин дел Потро што го принудија да се откаже од учество на претстојниот Австрталија опен. Аргентинецот сè уште не е доволно опоравен од фрактурата на чашката на коленото (патела) поради што мораше да ги извести организаторите дека нема да настапи на гренслемот во Мелбурн. Одлуката ја пренесе и на социјалните мрежи без притоа да каже на кој турнир планира да се врати.
Лани тој стигна до третото коло на Австралија опен, па повлекувањето од изданието на турнирот нема да значи премногу загубени АТП поени.
Енди Мареј, пак, имаше победнички вовед во 2019 година. Британецот во рамки на првото коло на АТП турнирот во Бризбејн го совлада домашниот тенисер Џејмс Дакворт со 6:3, 6:4 што е прв негов триумф од септември во 2018 година.