Канадскиот тенисер Денис Шаповалов (17) е казнет со 7.000 долари поради удар на главниот судија Арно Габас со топче во пределот на левото око за време на Дејвис куп мечот меѓу Канада и Велика Британија во Отава. Домашниот тенисер беше дисквалификуван во петтата, одлучувачка, пресметка, па Британците со конечни 3:2 се пласираа во четврт-финале.
Во моментот на прекин на средбата Шаповалов беше во негатива од два сета против Кајл Едмунд (3:6, 4:6) и водеше во третиот со 2:1. По неизнудена грешка, силно удри по топчето што го имаше во себе и го погоди судијата на стол во лице.
„Тоа е неприфатливо однесување. Неверојатно колку ми е срам. Се чувствувам ужасно што го изневерив мојот тим и земја. Ова е последен пат да сторам вакво нешто“, рече 17 годишниот Канаѓанец.
Откако објави крај на мечот, судијата Габас беше прегледан во болница во Отава. Посериозна повреда, за среќа, не е констатирана, но е најавен дополнителна офталмолошка контрола во Франција.
Велика Британија во четврт-финалето во април ќе игра против Франција, а Канада во септември ја очекуваат мечеви со опстанок во Светската група.