Лидерот на грчката партија Река (Потами) Ставрос Теодоракис, по вчерашната средба со министерот а надворешни работи Никос Коѕијас за разговорите во Виена, изјави дека нова средба на Котујас и ДИмитров ќе се одржи на 12 парил во Скопје, по што, како што изјавил, работата ја преземаат двајцата премиери, пренесува МИА.
-Сум кажал дека април многу веројатно е да го даде решението. На 12 овој месец како што ме извести Коѕијас ќе ја има следната важна средба со министерот за надворешни работи на ПЈРМ и ако помине добро оваа средба сфаќам дека случајот ќе оди во рацете на двајцата премиери, изјави Теодоракис во интервју за државната телевизија ЕРТ.
И Независен весник, повикувајќи се на дипломатски извори објави дека кон средината на идната недела, по велигденските празници, грчкиот министер за надворешни работи, Никос Коѕијас повторно ќе допатува во Скопје, каде што ќе се сретне со министерот Никола Димитров, иако датумот се уште не е утврден прецизно.
Од македонското МНР засега не потврдуваат ваква информација.
Во меѓувреме, од вчера, министрите за надворешни работи на Македонија и Грција започнаа со брифинзите на највисоките државни претставници и партиските лидери за исходот од состанокот, што во петокот во Виена го имаа со медијаторот на Обединетите нации Метју Нимиц.
– Ги знам сите детали и драго ми е што можам да потврдам дека има позитивен исчекор во разговорите. Ако некој ме праша дали сум повеќе или помалку оптимист и позитивен, јас сум повеќе позитивен и поголем оптимист по оваа средба што Димитров ја имаше со Коѕијас во Виена под раководство на посредникот Метју Нимиц, изјави премиерот Зоран Заевпо средбата со министерот Димитров.
Заев најави дека лидерска средба на оваа тема е можно да се одржи по велигденските празници. Заев одговараше на новинарско прашање во врска со најавата на Димитров минатата недела дека по преговорите за името во Виена ќе се одржи состанок на државниот врв и лидерите на најголемите партии.
Од ВМРО-ДПМНЕ, пак, вчера соопштија дека не добиле официјална покана за средба на лидерот на партијата Христијан Мицкоски со Димитров. Потврда за средба нема ниту од Кабинетот на претседателот Ѓорге Иванов.
фото: ТВ24
На 27 јануари годинава во Клубот на пратениците се одржа досега единствениот координативен состанок на државно-политичкиот врв во врска со разговорите за името на кој присуствуваа претседателот Ѓорге Иванов, премиерот Зоран Заев, лидерот на ДУИ Али Ахмети и претседателот на ВМРО-ДПМНЕ Христијан Мицкоски.
