Министерот за финансии Драган Тевдовски информираше што било сработено во изминатите сто дена од новата Влада.  Тој посочи дека негова цел било да се стави ред во јавните трошење, а реформите во системот на јавни финансии да бидат во насока на најдобрите европски стандарди и практики. Економијата во земјата, според Тевдовски, почнува да се придвижува.

„Министерството за финансии беше конзервативна институција, во поглед на проекцијата за економскиот раст. Нашите очекувања се, бидејќи ние секојдневно го следиме тоа полнење на ДДВ кое покажува што се случува пред се со потрошувачката и тоа е на задоволително ниво. Втормо, многу важно е дека имаме стабилност, извозот кој што е многу важен инпут на економската активност е стабилен. Очекуваме сите овие активности на новата Влада ќе произведат економски раст“, рече министерот Тевдовски.

Додаде дека до крајот на годинава не е планирано издавање на еврообврзница, а буџетот ќе се финансира од домашното задолжување.