Никола Тодоров, шеф на изборниот штаб на ВМРО-ДПМНЕ денеска на прес-конференција рече дека повеќе му верува на Избирачкиот одбор, отколку на гласачката Фатиме Сулејмани и на графичарот кој потврди дека таа не се потпишала на избирачкиот список.
„Јас му верувам на избирачкиот одбор. Мнозинството во ДИК му ја задоволи желбата на Заев за пролонгирање на кризата и што е уште поопасно за пролонгирање на кризата преку обид за постизборен инженеринг. Преку обид за постизборен инженеринг да се фалсификува волјата на гласачите и волјата на мнозинството“, рече Тодоров.
Тодоров рече дека приговорот на СДСМ за избирачкото место 2011 е скандалозен.
„Најпрво нè убедуваа дека станувало збор за т.н. бугарски воз. На крајот целата јавност виде дека нема ништо од тоа. Сите се уверија дека нема ништо од бугарски воз. Сепак има можност мнозинството на ДИК да му удоволи на Заев за пролонгирање на кризата и обид за постизборен инженеринг“, рече Тодоров.