Close Menu
НОВА ТВНОВА ТВ
  • НАСЛОВНА
  • ВЕСТИ
  • ЗУМ
  • УДАРНО
  • ИЗБОР
  • ТЕМА
What's Hot

Украинската амбасадорка Дир: Милиони животи се загрозени поради студот и темнината

October 30, 2026

34 години АРМ: Од „боси по трње“ до рамноправна и достојна членка на НАТО

August 16, 2026

Интервју со Павле Гацов: Малите економии имаат мал број алтернативи за справување со американскиот економски протекционизам

April 7, 2025
НОВА ТВНОВА ТВ
  • НАСЛОВНА
  • ВЕСТИ
  • ЗУМ
  • УДАРНО
  • ИЗБОР
  • ТЕМА
НОВА ТВНОВА ТВ

Трагедијата на Сирија

0
By Xhabir Deralla on February 11, 2023 КОЛУМНА, ЧОВЕКОВИ ПРАВА
СПОДЕЛИ
Facebook Twitter LinkedIn Email
Published: Saturday, February 11, 2023 12:26

ЏАБИР ДЕРАЛА

Земјотресот што ги погоди Туркије и Сирија, со јачина од 7,8 степени според Рихтеровата скала, најсилниот во последните 80 години, уште еднаш ја покажа длабоката поделеност на светот. Во моментот кога се подготвува овој текст, бројот на жртвите е преку 24.000 и десетици илјади повредени. Спасувањето на оние што останаа заробени под урнатините е тешко, на моменти хаотично, а на многу места е невозможно – нема доволно луѓе, механизација, вештини… Згора на сета трагедија, во погодените региони се бележат ниски зимски температури. Често се губи трката за спасување на човечки живот повеќе.

Трагедија од која се кине срцето. Кога ги гледам снимките и фотографиите од разурнатите подрачја, ме опфаќа силно чувство на немоќ. И восхит, од несебичноста и пожртвуваноста на спасувачите и сите што поитаа да помогнат на било кој начин.

Помошта на настраданите во Туркије пристигна од самата држава и од целиот свет. Но што е со Сирија? Земјата е веќе разорена од крвава и деструктивна граѓанска војна што трае повеќе од една деценија. Во северните делови каде што земјотресот ги разурна и оние места каде што воената деструкција не стасала, повеќе од четири милиони луѓе живееја со последиците од тешка хуманитарна криза која трае со години.

Новинарските екипи кои пристигнаа во разурнатите подрачја во Сирија, известуваат дека првите четири дена и ноќи по силните потреси, воздухот бил исполнет со крикови, лелек и повици на помош. Најгласни биле жените, мајки, сестри и сопруги на жртвите што останале под урнатините. Нивните извици биле измешани со заглушувачките звуци на уривањата и поместувањата на почвата во последователните потреси. Петтиот ден, се вели во еден извештај, криковите и потресите стивнале. Тие што биле под урнатините се предале, тие што барале помош и безнадежно копале по урнатините со голи раце – го изгубиле гласот и силата.

На ова заборавено и со крв натопено парче од планетата, северозападна Сирија, контролата е во рацете на вооружени групи, за некои бунтовници и револуционери, за други терористи. Таму не пристигнаа меѓународни спасувачи.

Не пристигнала ниту една пратка со лекови против болки за преживеаните, а залихите се на нула, се вели во извештаите. Само десетина километри подалеку, преку границата во Туркије, од првиот ден се слеваат илјадници тони хуманитарна помош. Тимови за спасување пристигнаа дури и од далечниот Тајван. Што е за максимална пофалба. Тоа што боли е отсуството на хуманост за милионите луѓе на само десетина километри од границата. Како да се невидливи.

Но Сирија, поделена и измачена од воени разорувања, остана изолирана, оставена сама на себе, да ги расчистува урнатините и да се бори за човечките животи. Како да не беше доволно тоа што животот на Сиријците се состои во постојано влегување во нови кризи, уште потешки од претходните, соочени со глад, смрт и раселување.


 Дозволено е преземање на текстот според лиценцата Creative Commons 4.0. | Извор: CivilMedia
земјотрес Сирија Турција Хуманитарна помош
Share. Facebook Twitter LinkedIn Email
ТИКЕР

Почнува смената на власта во Србија: Конститутивна седница на Народното собрание

November 17, 2026

КЛИМАТСКИ РОЛЕРКОСТЕР – серија текстови на Зелен ЦИВИЛ: Есента се менува, градовите се загреваат

November 14, 2026

Скопскиот филмски фестивал продолжува да го менува културниот пејзаж на градот

November 12, 2026

КРВАВ МАСАКР ВО КРАКОВ: Шестмина убиени на плоштадот, три тела пронајдени во домот на напаѓачот

November 8, 2026

„Блунами“ во САД: Нов инфографик на ЦИВИЛ МЕДИА за изборниот пресврт и последиците за Трамп

November 4, 2026
shortcut
ФОКУС
September 30, 2026Updated:September 30, 2026

Мицкоски пред средбата со Фон дер Лајен: Подготвени сме за разговор и решение, обврските ги наследивме од претходната власт

ПОЛИТИКА September 30, 2026

Претседателката на Европската комисија Урсула фон дер Лајен в петок, 2 октомври, ќе престојува во…

Исланд гласа за или против обновување на преговорите за членство во Европска Унија

August 29, 2026

Техеран го повика Вашингтон да признае воен пораз

August 16, 2026

Букурешт: Дуња Иванова четврта на Балканот во МТБ маратон во Романија – 73 км. должина и 2.400 м. висинска разлика

August 15, 2026
ТИКЕР

Почнува смената на власта во Србија: Конститутивна седница на Народното собрание

November 17, 2026

КЛИМАТСКИ РОЛЕРКОСТЕР – серија текстови на Зелен ЦИВИЛ: Есента се менува, градовите се загреваат

November 14, 2026

Скопскиот филмски фестивал продолжува да го менува културниот пејзаж на градот

November 12, 2026

КРВАВ МАСАКР ВО КРАКОВ: Шестмина убиени на плоштадот, три тела пронајдени во домот на напаѓачот

November 8, 2026

„Блунами“ во САД: Нов инфографик на ЦИВИЛ МЕДИА за изборниот пресврт и последиците за Трамп

November 4, 2026
CIVICA
Facebook
  • Редакција
  • Маркетинг
  • Политика на приватност
© 2026 НОВА ТВ

Type above and press Enter to search. Press Esc to cancel.