Американскиот претседател Доналд Трамп поднесе тужба против сојузната држава Калифорнија за донесување на нов закон со кој се бара од кандидатите за претседател да објават информации за данок на приходи.
Во тужбата од адвокатите на Трамп поднесена во Сакраменто се нагласува дека новиот статут, кој беше додаден на законот минатата недела, е неуставен затоа што прави нови незаконски правила за тоа кој може да се кандидира за претседателски избори. Во тужбата се вели дека новиот закон е „политички напад“ врз Трамп.
Републиканската партија поднесе слична тужба против државата Калифорнија.
Новиот закон предвидува претседателските кандидати да ги објават своите информации за данок на приходи во последните пет години за да можат да се кандидираат во Калифорнија, најнаселената држава во САД.