Американскиот претседател Доналд Трамп и рускиот претседател Владимир Путин денес разговараа телефонски, објави американскиот претседател на својата социјална мрежа.
Трамп напиша дека разговорот меѓу двајцата лидери траел еден час и 15 минути.
Тие разговарале за нападот на Украина врз повеќе воздушни бази длабоко на руска територија во текот на викендот и откри оти Путин му рекол дека „ќе мора да одговори“ на нападот.
Трамп го нарече повикот „добар разговор“, но додаде дека тоа не е разговор што би довел до моментален мир.
Тукушто разговарав по телефон со претседателот Владимир Путин од Русија. Разговорот траеше околу еден час и 15 минути. Разговаравме за нападот на Украина врз руските авиони што се закотвија на аеродромот, како и за разни други напади што се случуваа од двете страни. Беше добар разговор, но не разговор што ќе доведе до моментален мир. Претседателот Путин рече, и тоа многу силно, дека ќе мора да одговори на неодамнешниот напад врз аеродромите. Разговаравме и за Иран и за фактот дека времето истекува за одлуката на Иран во врска со нуклеарното оружје, која мора да се донесе брзо! Му кажав на претседателот Путин дека Иран не може да има нуклеарно оружје и, по тоа прашање, верувам дека тој е во согласност со Иран и дека можеби ќе може да помогне ова да се направи брзо. Мое мислење е дека Иран е бавен во донесувањето одлука за ова многу важно прашање , напиша Трамп.