Молк по алармот на невладините организации дека на повеќе локации во Охрид незаконски се гради. Во пресрет на одлуката на Комитетот за светско наследство на УНЕСКО, кој за помалку од еден месец ќе пресече дали Охридскиот Регион ќе биде впишан на Листата на светски наследства во опасност, од Фронт 21/42 порачуваат дека надлежните институции не покажуваат свест за вредностите на светското наследство, ниту одговорност кон идните генерации“, се вели во извештајот на Транспаренси.
Стефан Крстески
Како дел од проектот „Бистро-матно“ за редовни месечни и годишни анкети за корупција, „Транспаренси интернешнл – Македонија“, ги објави настаните кои беа актуелни во јуни.
Како дел од „матните“ настани во месец јуни предничат ревизиите на ДЗР на Управата за водење на матични книги, Општина Центар и ЕЛЕМ Турс.
„И покрај тоа што дигитализацијата на матичните книги започнала пред повеќе од една деценија, и вложени се над 520 милиони денари, со ревизијата се утврди дека процесот сè уште не е завршен, односно скенирани се 52% од записите, а внесени во електронскиот регистар се 49% од предвидениот обем на активности. Државниот завод за ревизија утврди слабости во финансиското работење на Општина Центар – Државниот завод за ревизија утврди сериозни слабости во финансиското работење на Општина Центар за 2023 година. Според извештајот, општината има ненаплатени побарувања од над 4,4 милиони евра, без утврдена рочна структура или правна можност за наплата. Дополнително, во делот на јавните набавки се констатирани бројни неправилности кои го нарушуваат принципот на конкуренција и транспарентност, предвиден во Законот за јавни набавки, стои во извештајот на ревизорите. ДЗР: Регионален развој без резултати – Јавните инвестиции заглавени во локални приоритети – Државниот завод за ревизија изврши ревизија на успешност на тема „Ефекти од јавни инвестиции во рамномерен регионален развој“, со цел да утврди дали јавните инвестиции се ефикасно и ефективно планирани и спроведени, и дали придонесуваат за долгорочно одржлив регионален развој. Непостоење на јасен критериум за регионални проекти, распределба на средства преку линиските министерства наспроти распределба на средства преку Програмата за рамномерен регионален развој, распределба на средства на општини и проекти без јавен повик во нетранспарентна постапка, отсуство на систем за оценка и одржливост на проектите има влијание на ефектите од јавните инвестиции во регионалниот развој. ДЗР: ЕЛЕМ ТУРС со големи загуби и застарени капацитети – Државниот завод за ревизија ја објави анализата на финансиските извештаи и работењето на ЕЛЕМ ТУРС ДООЕЛ Скопје за 2023 година, при што констатира сериозни финансиски и управувачки проблеми. Според ревизорите, компанијата се соочува со акумулирани загуби од околу 1,2 милијарди денари и задолженост која надминува 268 милиони денари. Во извештајот се нагласува дека застарените сместувачки капацитети, нерационалното трошење на средства и несоодветното управување сериозно ја нарушуваат стабилноста на друштвото. Особено загрижува недостатокот на осигурување на имотот и средствата, како и прекумерниот ангажман на аутсорсинг услуги со исплати над предвидените договори“, се вели во извештајот на Транспаренси.
Како втор најматен настан за минатиот месец е извештајот на Судскиот совет, во кој е утврдено дека судовите се неажурни во работата, и во фиока им стојат 150 илјади предмети.
„Судовите во Македонија се неажурни. По првите три месеци од годината не успеале да ги решат заостанатите и ново пристигнати предмети, па пред судиите, за решавање останале близу 145 илјади предмети. Според извештајот на Судски совет, од вкупно 34 судови, единствено ажурни се судовите во Штип, Велес, Радовиш и Виница. Од советот велат заради бројните празници во јануари, вообичаено било во првото тримесечје судовите да не успеат да ги совладаат предметите, но, главниот проблем го гледаат во недостигот од судии и административен кадар.“
Како трет „матен“ настан за јуни е годишниот извештај на Обвинителството. Оттаму се жалат на намалените кадровски капацитети, и работа која не може да се постигне и да се заврши.
„Така, според документот, во текот на 2024 година основните јавни обвинителства во државата постапувале против вкупно 37 255 сторители на кривични дела, од кои 25 909 сторители биле новопријавени. Во оваа насока од Обвинителството нотираат дека споредбата на податоците покажува дека минатата година е регистрирано значително зголемување на бројот на новопријавени сторители на кривични дела во однос на претходната 2023 година за околу 10 проценти.“
Исто така како дел од матните настани е и молкот на Владата за дивоградбата која „никнува“ на „Горица“ на брегот на Охридското Езеро, во сопственост на Мијалкови. Невладините организации иако бараат да се запре градбата но „кучињата лаат, караванот си врви“, на големо се работи, Владата и локалната самоуправа не преземаат никакви чекори за престанок на градежните работи.
„Молк по алармот на невладините организации дека на повеќе локации во Охрид незаконски се гради. Во пресрет на одлуката на Комитетот за светско наследство на УНЕСКО, кој за помалку од еден месец ќе пресече дали Охридскиот Регион ќе биде впишан на Листата на светски наследства во опасност, од Фронт 21/42 порачуваат дека надлежните институции не покажуваат свест за вредностите на светското наследство, ниту одговорност кон идните генерации“, се вели во извештајот на Транспаренси.
Како последен матен настан, Транспаренси Македонија го вметнува случајот „Крмзов“ во кој се опфатени 23 физички и 15 правни лица осомничени за злосторничко здружување, даночна измама, перење пари и несовесно работење.
Во „бистри“ случаи на Транспаренски интернешнл – поднесените 36 кривични пријави и откривање на криминал тежок 30 милиони евра од страна на Финансовата полиција, поднесувањето на 20 кривични пријави од страна на „Мајката на Скопје“, Данела Арсовска за дивоградбите во Чаир, најавите на ДКСК за покренување на кривична постапка на јавно комунално претпријатие поради незаконски јавни набавки, затворската казна која ја доби раководителот од Маврово кој беше фатен на дело со поткуп како и потврдата на Вишиот управен суд со што се утврди дека големи веледрогерии склучиле забранет договор.
Текстот е сопственост на Слободен печат.мк