Кривичниот суд се уште не ги повикал 11 осомничени за злоупотреба на службена положба, за кои Специјалното обвинителство побара мерка – притвор во рамките на предметот „Транспортер“. Во петокот СЈО достави барања за притвор на осомничените како и барања за конфискација на 3 стана, осум автомобили и 33 автобуси.

Од Судот за НОВА велат дека барањата на СЈО се распоредени кај судија на претходна постапка, но кога осомничените ќе бидат повикани на распит зависи од судијата.

Истрагата за „Транспортер„ опфаќа вкупно 81 криминално дејствија. Во неа  осомничен е и Градоначалникот на Битола Владимир Талески, кој заедно со општинскиот претседател на Комисијата за јавни набавки и група превозници ги местеле тендерите за превоз на ученици со што општина Битола го плаќала најскапиот превоз во светот .

Осомничени се 22 лица за злоупотреба на службената положба, а за 11 од нив  побарана е мерка притвор.

За градоначалникот Талески, против кого не може да се отвори кривична постапка бидејќи е аболициран од Претседателот, СЈО бара конфискација на имотот, за кој се смета дека е стекнат преку ваквите дејствија. Одлуката за конфискација е на судот.

Предмет Транспортер: Криминални зделки со превоз на ученици во Битола