Нова Каледонија денеска по трет и последен пат излегува на референдум за независност од Франција. На земјата, која се наоѓа на приближно 2.000 километри источно од Австралија, со договор од 1988 година ѝ беше дозволено да одржи три референдуми за независност за да ги намали тензиите во архипелагот на Пацификот.
Откако на референдумите во 2018 година и во 2020 година беше отфрлена опцијата за отцепување од поранешните колонијални владетели, 185.000 гласачи денеска повторно ќе бидат прашани „Дали сакате Нова Каледонија да добие целосен суверенитет и да стане независна?“.
Во позадина на гласањето се сè позаладените односи меѓу Париз и неговите сојузници во регионот. Французите се лути на Австралијците заради откажувањето на договорот за купување на подморници, откако во септември тие склучија безбедносен пакт со Велика Британија и со САД.
Зад овие спорови, расте улогата на Кина во регионот, а експертите сметаат дека независна Нова Каледонија би можела да биде предмет на влијание на Пекинг. Мотивација за тоа е интересот на Кина за нивната рударска индустрија. Кина досега беше најголем увозник на новокаледониски металуршки производи, особено на никел.