Стефанос Циципас е крунисан во Лондон како шести најмлад освојувач на завршниот тениски Мастерс во сезоната. Гркот во финалето го совлада Австриецот Доминик Тим со 6:7, 6:2, 7:6 и со само еден пораз (од Рафаел Надал) го освои највредниот трофеј во кариерата.
„Немам поим како одиграв толку добро во вториот сет. Не размислував многу во тие моменти што веројатно беше причина да извонредна игра и два брејка во тој период од натпреварот. Мора да признам дека бев и нервозен бидејќи за првпат играв финале на овој турнир. Имав брејк предност што не успеав да ја сочувам, па победникот се реши низ тај брејк. Ми падна камен од срце што победив по голема борба. Ова беше вистински ролеркостер. Чувството е неверојатно со овој пехар во раце“, рече Циципас.
Мечот за титулата во „О2 арена“ траеше 156 минути по што грчкиот тенисер заслужено го подигна третиот трофеј во 2019 година по оние во Марсеј и во Ешторил. Намали на 3:4 во меѓусебните дуели со Тим и од Лондон заминува со 1.300 АТП поени, со чек во вредност од 2,650.000 милиони долари, но и како четврти дебитант со престижниот пехар. И тоа во низа по Енди Мареј во 2016 година, Григор Димитров во 2017 година и Александар Зверев лани, подвиг со каков од минатото може да се пофалат уште Борис Бекер во 1988 година, Стефан Едберг во 1989 година, Андре Агаси во 1990 година и Пит Сампрас во 1991 година.