Во вторник на 16 мај во хотелот Парк Резиденс, со почеток во 12 часот ќе биде одржана конференцијата насловена „Односи меѓу заедниците-перцепции, надежи и стравови, предизвици и решенија“ во организација на Здружението на граѓани ЦИВИЛ -Центар за слобода.
На конференција на ЦИВИЛ ќе стане збор за општествено-политичките аспекти на односите меѓу заедниците, мултикултурализмот и европските вредности.
Настанот се одржува и во контекст на Светскиот ден на различностите, 21 мај.
Кконференцијата ќе ја отвори шефот на државата, претседателот Стево Пендаровски, а клучни говорници ќе бидат вицепремиерот и министер за политички систем и односи меѓу заедниците, Артан Груби, националниот координатор за мултикултурализам, Роберт Алаѓозовски, пратеничката Санела Шкријељ, почесниот конзул на Големото Војводство Луксембург, Петар Арсовски.
На говорницата ќе се појават и тројца градоначалници, како Максим Димитриевски, Арбен Таравари и Висар Ганиу.
Меѓу речиси 20 говорници се и низа претставнички и претставници на експертската и академската заедница, граѓанското општество и медиумите. Ќе говорат: заменик директорот на АОПЗ, Џељал Хоџиќ, универзитетската професорка Ана Чупеска, Зоран Иванов, Љубиша Николовски, Петрит Сарачини, како и ЦИВИЛ-ите Биљана Јордановска, Дехран Муратов, Драган Мишев и Џабир Дерала. Модераторка на настанот е Дијана Тахири.
Конференцијата е дел од проектот „Заедно за подобра иднина“ посветен на промоцијата на мултикултурализмот и европските вредности што го спроведува ЦИВИЛ со поддршка од Министерството за надворешни и европски работи на Големото Војводство Луксембург.