НОВА ТВНОВА ТВ
  • НАСЛОВНА
  • ВЕСТИ
  • ЗУМ
  • УДАРНО
  • ИЗБОР
  • ТЕМА
What's Hot

Интервју со Павле Гацов: Малите економии имаат мал број алтернативи за справување со американскиот економски протекционизам

April 7, 2025

Интервју со Мирче Јовановски: Последиците од царините на САД – губење работни места и странски инвестиции и намален извоз

April 3, 2025

Интервју со пратеничката на СДСМ Славјанка Петровска: Ни треба повеќе храброст но не во ветувањата туку во исполнувањата

March 25, 2025

Subscribe to Updates

Get the latest creative news from FooBar about art, design and business.

НОВА ТВНОВА ТВ
  • НАСЛОВНА
  • ВЕСТИ
  • ЗУМ
  • УДАРНО
  • ИЗБОР
  • ТЕМА
НОВА ТВНОВА ТВ

ЦИВИЛ на Меѓународниот ден на мирот: Мирот во светот ќе добие шанса кога Русија целосно ќе замине и ќе одговара за геноцидната војна против Украина

0
By Blerina Tahiri on September 21, 2023 ВЕСТИ, ВОЈНА ВО УКРАИНА, ПОЛИТИКА, СВЕТ, ЧОВЕКОВИ ПРАВА
FREEPIK
СПОДЕЛИ
Facebook Twitter LinkedIn Email

Втора година по ред, во услови на брутална и геноцидна руска воена агресија против независна, демократска и мирољубива Украина, се одбележува Меѓународниот ден на мирот. Темата на Обединетите Нации оваа година е „Акции за мир: Нашите амбиции за #ГлобалнитеЦели“, всушност, не ја отсликува мрачната реалност што на светот му ја наметна Кремљ.

ЦИВИЛ – Центар за слобода ги повикува сите граѓанки и граѓани, своите членови, поддржувачи, активисти, волонтери, како и граѓанските здруженија, политичките субјекти, да им се приклучат на сите мирољубиви луѓе ширум светот во одбележување на Меѓународниот ден на мирот со повици за мир, но и за правда во светот.

ЦИВИЛ повикува на целосно повлекување на руските воени сили, до последниот војник и платеник, а потоа и целосно ќе се соочи со меѓународната правда за деструкцијата, воените злосторства и геноцидот што го спроведува против Украина.

На Меѓународниот ден на мирот мора да се потсетиме колку лесно може да се наруши и распадне мирот во светот и да предизвика ужасни разурнувања и страдања. Руската агресија врз Украина ги дестабилизира светскиот мир и демократијата преку хибридните напади, уцената со енергенси и со храна, со жестоки пропагандни кампањи и дезинформации. Со тоа, Кремљ се обидува да ги скрие неизмерните насилства и очигледната намера за истребување на украинската нација, за што отворено и гласно говорат пропагандистите во руските државни медиуми.

Воената агресија против Украина, како и сите воени и други конфликти на било која точка во светот, ја наметнуваат потребата од обединување против злото. Секој човек има обврска да застане во одбрана на правото за мирно и достоинствено живеење во демократски и праведни општества каде поделеноста, омразата, насилството, борбата за власт и моќ на сметка на човековиот живот и достоинство ќе бидат отфрлени и остро осудени. Сторителите на злосторства против човештвото и архитектите на злото, деструкцијата и геноцидот мора да бидат изведени пред лицето на правдата.

Тоа е човечка и цивилизациска обврска!

Со силна поддршка за Украина и украинската нација, ЦИВИЛ повикува на обединување на светот во заложбите за ставање крај на руската агресија и обнова на мирот и стабилноста на Украина. Многубројните изгубени човечки животи да бидат и последни што ќе сведочат за хоророт и деструкцијата што војната ги носи со себе.

ЦИВИЛ стои на ставот дека мирот, слободата и еднаквоста се вредности кон кои се стремат и граѓанките и граѓаните на Северна Македонија, како и нејзините демократски институции. Тие вредности треба сите заеднички секојдневно да ги вреднуваме и промовираме. Негувајќи го мултикултурализмот наспроти меѓуетничките и другите конфликти, промовирајќи ги заложбите за европските и цивилизациските вредности, наспроти националистичките наративи, дезинформациите и пропагандата, заеднички ќе се извојува битката за демократско и праведно општество.

ЦИВИЛ – Центар за слобода, уште од основањето на организацијата во 1999 година, во својата визија и мисија го промовира мирот и демократијата, свет во кој луѓето ќе живеат мирно и достоинствено. Во своите темели, организацијата бескомпромисно и во целост ги вгради заложбите за општество каде што човековите права и слободи ќе се почитуваат во целост, култот кон оружјето и насилството ќе биде надминат, а дискриминацијата, нееднаквоста, омразата, предрасудите, национализмот ќе бидат само мрачна епизода на минатото.

ЦИВИЛ / Цивил Медиа

воени злосторства војна геноцид Мир ОН Руска агресија Украина
Share. Facebook Twitter LinkedIn Email
ТИКЕР

Постапките на Трамп убиваат, а љубовта спасува животи“, кажаа на Парадата на гордоста во Амстердам

August 3, 2025

Потврдена е првостепената пресуда против претседателот на Република Српска

August 1, 2025

Германија ќе испорача два системи „Патриот“ на Украина како дел од договорот со САД

August 1, 2025

Протест во Шабац против рудникот за литиум

August 1, 2025

Екс премиерот на Хрватска Санадер пуштен на условна слобода

July 31, 2025
ФОКУС

Милановиќ ѝ забрани на хрватската армија да соработува со Израел

ВЕСТИ August 3, 2025

Претседателот на Хрватска Зоран Милановиќ ја повика хрватската влада да ја прекине трговијата со оружје…

Честитки од државниот за Илинден

August 2, 2025

Одбележување на Илинден во Крушево, Пелинце и Скопје

August 2, 2025

Кијив: Ден на жалост по смртоносниот напад во кој загинаа најмалку 28 лица

August 1, 2025

Претплати се на е-билтенот на НоваТВ

Добиј ги последните вести на твојата е-адреса.

CIVICA
Facebook
  • Редакција
  • Маркетинг
  • Политика на приватност
© 2025 НОВА ТВ

Type above and press Enter to search. Press Esc to cancel.