Убиство во Бар по мечот меѓу Морнар и Црвена звезда во кошаркарската АБА лига. Ликвидацијата се случила пред спортскиот центар „Тополице“ по завршување на средбата. Трагичната вест ја пренесоа сите медиуми во регионот. Жртва на, како што пишуваат класичната заседа, е Иван Лабан (29) од местото Мурино, општина Плав, кој бил навивач на белградските „црвено-бели“.
Неофицијалните информации за случајот велат дека Лабан бил во друштво на неговата девојка со која заедно го следеле кошаркарскиот меч. Во моментот на влегување во автомобилот, како што објавија црногорските медиуми, им пришол мотоцикл на кој биле две лица со заштитни капи. Едниот од нив, без предупредување, испукал неколку куршуми во момчето и веднаш го напуштиле местото на злосторот.
Набрзо пристигна и екипа на итната медицинска помош што го затекнале Лабан со знаци на живот додека девојката, иако во силен шок, остана неповредена во престрелката. Од здобиените рани нејзиното момче починало нешто подоцна во општата болница во Бар.
Дел од медиумите, пак, известуваат дека Лабан наводно бил зет за сестра на поранешен припадник на аркановите тигри кој бил ликвидиран во Подгорица на 7 октомври во 2014 година.