Турската влада го блокираше пристапот до „Викиликс”, откако порталот вчера објави околу 300 илјади електронски документи директно од серверот на владејачката Партија на правдата и развојот (АКП).
Пред да ги објави, сајтот претрпе многу хакерски напади и предупреди дека Турците ќе се обидат да го спречат објавувањето на материјалите.
Според Викиликс, електронската пошта содржи документи за “справување со светот“, но и многу интерни, внатрешни проблеми на земјата.
„Викилис“ соопшти дека не е ниту за ниту против владата на Турција, туку дека се во потрага по вистината, и наведува дека ги верификувале материјалите и изворите, кои на ниту еден начин не се поврзани со елементите што стојат зад обидот за пуч, ниту со ривалските политички партии или државата.
Веб-страницата наведува дека ова е само првиот дел од илјадниците документи што ги поседуваат и ќе ги објават.
Сите електронски пораки се од „akparti.org.tr“, главниот домеин на главната политичка сила во земјата, а се однесуваат на период од 2010 до 6 јули 2016 година, една недела пред државниот удар.