Медицински одела, заштитни маски и средства за дезинфекција кои биле крадени од Универзитетскиот Клинички центар во Љубљана се продавале на интернет, јави Телевизија Словенија.
Словенечката полиција приведе две лица за кои постои има сомнеж дека ги ограбувале складиштата на медицинскиот центар. Веднаш бил направен и претрес во нивните домови, а локалните медиуми објавуваат дека во целата криминална мрежа биле вмешани и вработени во болницата.
Овие кражби, според информации на управата на Клиничкиот центар, најверојатно траеле веќе неколку недели, а вработените се посомневале во тоа бидејќи резервите од заштитни материјали се трошеле побрзо од предвиденото на надлежните.
Во меѓувреме, Владата го разреши и директорот за стоковни резерви кој е во самоизолација поради коронавирусот, по обвинувањата на опозицијата за неправилности и скандали кои ја следеа набавката на заштитни маски за потребите на Словенија.