Во Скопје денеска ќе се одржи почетен настан на твининг проектот „Поддршка во спроведувањето на модернизираната правна рамка за заштита на личните податоци“.
Настанот е во организација на Агенцијата за заштита на личните податоци на Северна Македонија, Агенцијата за заштита на личните податоци на Хрватска и Германската фондација за меѓународна правна соработка (ИРЗ).
Целта на проектот е да се подобри заштитата на основните човекови права и националниот систем за заштита на личните податоци во Северна Македонија, во согласност со стандардите од законодавството на Европската Унија (ЕУ) и да се подобри работата на Агенцијата за заштита на личните податоци за спроведување на модернизираната рамка за заштита на личните податоци.
Во рамки на настанот ќе биде промовиран и новиот Закон за заштита на личните податоци со кој се транспонира Општата регулатива за заштита на личните податоци (GDPR).
Најавени се обраќања на министерот за правда, Бојан Маричиќ, раководителот на Одделот за соработка во ДЕУ, Штефан Худолин, хрватската амбасадорка Нивес Тигањ и заменик-амбасадорот на германија Ото Граф.