Социјалната мрежа „Твитер“ издаде предупредување до американскиот претседател Доналд Трамп за пораката во која тој без докази тврди дека гласачките ливчиња што се испратени по пошта се измама.
„Твитер“ за првпат го санкционира Трамп поради, како што се вели, неговите објави водат кон дезинформациии. Повеќе од 80 милиони го следат Трамп на „Твитер“. Трамп, пак, возврати дека со тоа „ја задушува слободата на говорот“.
„Твитер сега се меша во претседателските избори 2020. Вели дека е некоретна мојата порака оти гласањето преку пошта ќе доведе до масовна корупција и измама. Тоа го кажа врз основа на проверка на податоците кои си спреведува „Си-Ен-Ен“ – лажни вести, како и „Вашингтон пост“ на „Амазон“. Твитер во целост ја задушува слободата на говор и јас, како претседател, нема да дозволам тоа да се случи“, напиша Трамп на „Твитер“.
Портпаролот на „Твитер“, Трентон Кенеди изјави дека твитот на Трамп за гласањето преку пошта не ги крши правилата, бидејќи „не се обидува директно да ги одврати луѓето од гласање“ туку содржи „погрешни информации за процесот на гласање, посебно за испраќање на гласачките ливчиња“. Трамп пред неколку месеци својот глас за локалните избори во Флорида го испрати преку пошта.