Ајакс е сензационален полуфиналист во фудбалската Лига на шампиони. „Копјаниците“ од Амстердам го совладаа Јувентус во Торино со 2:1 и се пласираа меѓу најдобрите четири во елитното натпреварување на УЕФА. Стрелци за холандскиот состав на „Јуве арена“ беа Ван де Бек во 34. минута и Де Лигт во 67. минута. Единствениот за „старата дама“ беше дело на Кристијано Роналдо во 28. минута по асистенција на Миралем Пјаниќ.
За потсетување, Ајакс во осминафиналето го елиминира и Реал Мадрид.
https://www.youtube.com/watch?v=-_v3uCSFdVI
Противник на Ајакс во полуфиналниот двомеч ќе биде подобриот од дуелите меѓу Манчестер сити и Тотенхем. Реваншот од англиската пресметка е утревечер на стадионот „Етихад“ каде „граѓаните“ ќе се обидат да ја анулираат предноста на „спарси“ од првата средба.
Манчестер јунајтед, пак, немаше сили за ново изненадување во Лигата на шампиони. По минималниот триумф на Барселона на „Олд Трафорд“ во првиот меч, Каталонците победија и во реваншот на „Камп Ноу“ со 3:0. Двапати Лионел Меси во 16. минута и во 20. минута и Филипе Кутињо во 61. минута го заверија полуфиналното место на тимот Ернесто Валверде.
Полуфиналниот квартет ќе биде затворен утревечер (среда) по реваншите меѓу Сити и Тотенхем (0:1), односно, Порто и Ливерпул (0:2)