„Децата се оние кои ќе бидат најмногу погодени од оваа криза и оние кои најмногу ќе страдаат од нејзините последици во годините што доаѓаат и ќе бидат принудени на миграција“, рече Тунберг во видео споделено со објавата на извештајот. “Имаше многу милиони луѓе, особено млади луѓе, мобилизирани. Треба да ја подигнеме свеста и треба да создадеме масовна мобилизација на луѓе од целиот свет. Тоа е единствениот начин на кој можеме да победиме, да преземеме акција и да почнеме да  ги третираме Климатските промени како кризи 

Речиси половина од 2,2 милијарди деца во светот живеат во земји кои се соочуваат со екстремно висок ризик од влијанијата на климатската криза, вклучително и еколошки шокови како циклони и топлотни бранови, стои во извештајот објавен од  УНИЦЕФ.

Меѓу 33 -те држави идентификувани со екстремно висок ризик,  е и Авганистан, кој со години се справуваше со продолжена суша и политичка нестабилност, и повторно се соочува со неизвесна иднина, откако од  пред две недели целосно  е под контрола на Талибанците.

Овој  извештај е подготвен  во партнерство со движењето на чие чело е шведската активистка за климатски промени, Грета Тунберг.

„Децата се оние кои ќе бидат најмногу погодени од оваа криза и оние кои најмногу ќе страдаат од нејзините последици во годините што доаѓаат и ќе бидат принудени на миграција“, рече Тунберг во видео споделено со објавата на извештајот.

“Имаше многу милиони луѓе, особено млади луѓе, мобилизирани. Треба да ја подигнеме свеста и треба да создадеме масовна мобилизација на луѓе од целиот свет. Тоа е единствениот начин на кој можеме да победиме, да преземеме акција и да почнеме да  ги третираме кризите “, рече таа.

Десет од најзагрозените над 30 земји, се во Африка, а Централноафриканската Република, Чад и Нигерија се оценети за  најранливи.

Индексот идентификуваше 33 земји со екстремно висок ризик и најде „исклучување“ помеѓу местата каде што се емитуваат повеќе гасови од стаклена  градина и каде што децата се изложени на најголем ризик од најзначајните влијанија.

“Климатските промени се длабоко нееднакви. Иако ниедно дете не е одговорно за покачување  на глобалните температури, тие ќе платат највисоки цени. Децата од земјите со најмала одговорност ќе страдаат најмногу “, изјави  извршната директорка на УНИЦЕФ Хенриета Форе.

33-те земји со екстремно висок ризик, колективно емитуваат само 9% од глобалниот јаглерод диоксид (СО2), додека 70 % од емисиите на СО2 доаѓаат од  групата, 10 најзагрозени земји..

Индија е единствената земја која емитира високи емисии на СО2 и е земја од  исклучително висок ризик, и одговорна е за повеќе од 7% од светските емисии на СО2, има големо население повеќе од 1,3 милијарди луѓе, а емисиите по глава на жител се 1,8 метрички тони.

Децата во Исланд, Луксембург и Нов Зеланд беа најмалку изложени на ризик. Тие земји имаат мало население, но, по глава на жител, Исланд  и Нов Зеланд емитуваат повеќе од 6 метрички тони од светските емисии, додека во Луксембург, тоа е повеќе од 15 – на исто ниво со Американците, Канаѓаните, Саудијците и Австралијците.

Климатскиот активист од Зимбабве, Нкосилати Нијати изјави  дека климатските промени се „многу лични“ за него, и дека луѓето во неговото село, особено земјоделците, се борат со непредвидливи временски услови.

“Ако времето продолжи вака, може да доведе до сериозна криза во мојата заедница. Младите се најскапоцениот природен ресурс во светот. Сакам да ги повикам креаторите на политики и носители на одлуки да не вклучат во сите развојни аспекти што треба да ги направат со нашата иднина, бидејќи не може да има ништо за нас без нас “.

Извештајот, исто така, посочува дека 1 милијарда деца се многу изложени на екстремно високо ниво на загадување на воздухот.

Дополнително, откри дека:

-240 милиони деца се многу изложени на крајбрежните поплави

-400 милиони деца се многу изложени на циклони

– 820 милиони деца се многу изложени на топлотни бранови

– 920 милиони деца се многу изложени на недостаток на вода

Скоро секое дете во светот се соочува со ризик од најмалку една климатска и еколошка опасност, но индексот покажува дека некои од најтешко погодените земји „се соочуваат со повеќекратни и честопати преклопувачки шокови што се закануваат да го уништат  напредокот и опстанокот  на човековиот род“, велат од УНИЦЕФ.

Агенцијата рече дека ги повикува владите ширум светот да преземат повеќе дејствија за климатската криза и да ги вклучат младите во сите климатски преговори и одлуки на секое ниво, вклучително и во ноемвриските климатски преговори COP26 во Глазгов.

Од „Петок за иднината“ рекоа дека младински движења како нивното, ќе се појавуваат се повеќе  и ќе продолжуваат  да се шират.

„Мораме да признаеме каде се наоѓаме, да ги третираме климатските промени како што се кризите и да дејствуваме со итноста што е потребна за да обезбедиме денешните деца да наследат планета за живеење“, велат од групата.