Турскиот референдум за уставни измени со кои му се дава поголема моќ на претседателот Реџеп Таип Ердоган помина со мало мнозинство.
За уставните измени гласаа нешто повеќе од 51 отсто од гласачите, а против биле над 48 отсто, информираат турски владини претставници.
На гласање излегле 86 отсто од регистрираните избирачи. Со измените, Ердоган ќе може да остане на власт до 2029 година. Ердоган им честиташе на неговите сојузници за резултатите од референдумот.
Опозициската Републиканска народна партија, пак, бара повторно пребројување на скоро 60 отсто од гласачките ливчиња. Тие ја критикуваат Државната изборна комисија дека во последен момент ги сменила правилата за тоа кои ливчиња ќе се сметаат за важечки, што отворило простор за изборни измами.
Комисијата одлучи да се важат и оние гласачки ливчиња без печат, ако не се докаже дека се нелегално внесени на гласачките места.