Со „проектилот“ на Дамир Којашевиќ во четвртата минута од судиското продолжение, Вардар успеа да слави против Победа со 2:1 во последниот меч од 12 коло во Првата македонска фудбалска лига. Шампионот ги сочува трите бода со пресврт во второто полувреме. Гостите од Прилеп поведоа со голот на Гешоски во 25 минута, а „црвено-црните“ во финишот на средбата избегнаа кикс на домашен терен. На победничкиот гол на црногорскиот интернационалец претходеше реализација и на Јасир Асани во 88 минута.
Вардарци сега имаат 28 бода на врвот на табелата или седум повеќе од Шкендија по ремито (0:0) на Чаир против Шкупи. Трет е тимот на Работнички кој одиграа 1:1 на гостувањето против Ренова. Во останатите два меча триумф на домашните екипи. Пелистер во Битола ја совлада Македонија Ѓ.П. со 1:0, а со ист резултат и Силекс, во Кратово, беше подобар од Брегалница.
Фудбал, ПМФЛ
Резултати, 12. коло
Вардар – Победа 2:1
(Асани 88′, Којашевиќ 90’+4′ – Гешоски 25′)
Шкупи – Шкендија 0:0
Ренова – Работнички 1:1
(Селмани 21′ – Елмас 36′)
Пелистер – Македонија Ѓ.П. 1:0
(Бујчевски 42′)
Силекс – Брегалница 1:0
(Недељковиќ 48′)
Табела: Вардар 28, Шкендија 21, Работнички 20, Пелистер 19, Ренова 16, Шкупи 14, Силекс 14, Победа 10, Македонија Ѓ.П. 9, Брегалница 8.
Идно коло: Брегалница – Вардар, Победа – Шкендија, Работнички – Пелистер, Ренова – Шкупи, Македонија Ѓ.П. – Ренова.