Зенит ќе биде прв гостин во Скопје и воопшто прв ривал на Вардар во групата Л во УЕФА Европа лигата. Дуелот на македонскиот шампион и членот на руската Премиерлига од Санкт Петербург на „Телеком арена“ е закажан на 14 септември со почеток во 21,05 часот. До крајот на месецот (28 септември, 19 ч.), „црвено-црните“ ќе имаат и гостување на „Ларкендал“ во Трондхајм против екипата на Розенборг.
„Возниот ред“ на натпревари во ЛЕ за сезоната 2017/18 предвидува само еден термин во десеттиот месец од годината. Вардарци на 19 октомври од 19 часот ќе играат на домашен терен против Реал Сосиедад. Реваншот со шпанскиот претставник на стадионот „Аноета“ во Сан Себастијан е на 2 ноември во 21,05 часот. „Црвено-црните“ потоа ќе гостуваат и на „Крестовски“ стадионот во Санкт Петербург кај тимот на Зенит (23 ноември, 19 ч.).
Дебитантскиот настап во групната фаза за вардарци ќе финишира на 7 декември (21,05 ч.) во Скопје со возвратната пресметка со Розенборг.
Распоред на натпревари во групата Л во Лига Европа
1 коло: Вардар – Зенит (14 септември, 21,05 часот)
2 коло: Розенборг – Вардар (28 септември, 19 часот)
3. коло: Вардар – Реал Сосиедад (19 октомври, 19 часот)
4 коло: Реал Сосиедад – Вардар (2 ноември, 21,05 ч.)
5 коло: Зенит – Вардар (23 новемри, 19 ч.)
6 коло: Вардар – Розенборг (7 декември, 21,05 часот)