На почетокот на август, талибанците ја засилија офанзивата врз авганистанските владини сили. Од ден во ден освојуваа провинциски главни градови, а тоа кулминира со пад на Кабул на 15 август. Но, покраината Панџшир, североисточно од главнио град, остана надвор од нивна контрола, преку ноќ се претвори во бастион на Отпорот и во неа се концентрираа силите што останаа лојални на Амрула Салех, заменик на поранешниот претседател на Авганистан, Ашраф Гани.
کماندوهای نیروهای مقاومت شب گذشته پس از حمله نافرجام خود با راکت اندازهای BM-21 و تلفات سنگین مواضع #طالبان را مورد حمله قرار دادند. طالبان در جهل خود قول داده اند که چند ساعت دیگر پنجشیر را بگیرند. خیالهای تان را با خود به گور خواهید برد. #پنجشیر pic.twitter.com/x1pheVLdtr
— Fahim Dashti فهیم دشتی (@FahimDashty) September 3, 2021
По неуспешните преговори со Фронтот на Отпорот на Авганистан, талибанците започнаа воени операции. Двете страни пријавуваат за нанесени тешки загуби на непријателот.
The Afghan Taliban are killing Panjshiri insurgents and also seizing military equipment.#Panjshir #Afghanistan #AfghanTaliban pic.twitter.com/8dJm5SgWMV
— Abdul Wajid JK (@AbdulWajidJK1) September 3, 2021
Околу Панџшир во моментот се водат тешки борби. Талибанците, преку нивниот портпарол Забиула Муџахид, истакнаа дека зазеле неколку области во покраината и четири контролни пункта. Според него, убиени се најмалку 30 припадници на Отпорот, меѓу кои и тројца команданти.
Движење на Отпорот: Убивме 450 талибанци, заробивме 130
Од друга страна, пак, портпаролот на силите на Отпорот, Фахим Дашти соопшти дека се ликвидирани најмалку 450 талибанци, а 130 се заробени.
Во синоќешниот напад, по четиричасовни борби, се одбиени 8.000 талибанци заедно со 350 теренски возила и тие паднаа во засега. Претрпеа сериозни загуби. Убиени се 450 терористи, а 130 се заробени, напиша Дашти на Твитер.
Тој во објавата додаде дека силите на Отпорот се приближуваат до покраините Бадахшан, Каписа и Баглан.