Денеска беше одржан Г7 самитот во замокот Елмау, Германија, каде што се разговараше за идните цели на овие 7 најразвиени земји. Во текот додека снимаа камерите беше фатено како се пошегуваа на сметка на Путин.
Британскиот премиер, Борис Џонсон праша „можеме ли да се соблечеме?“ и доби одговор од неговиот канадски колега, Џастин Трудо „да почекаме да заврши фотографирањето“. Потоа следеше духовита реакција од Џонсон „мора да им покажеме дека сме посилни од Путин“, а Трудо го потенцира јавање на коњ без маица, мислејќи на познатите фотографии од Путин на неговиот одмор во Сибир.
Во разговорот се вклучи и претседателката на Европската комисија, Урсула фон дер Лајен“ со коментар „јавањето е најдобро“, на што Џонсон одговори дека и тие „мора да ги покажат градите“.
Овие коментари останаа помеѓу споменатите лидери, а останатите очигледно не беа расположени за шеги на сметка на рускиот претседател, Владимир Путин.