Published: Wednesday, July 28, 2021 13:12
Сребреното македонско момче од Токио, Дејан Георгиевски, кој се закити со сребро во теквондо во категоријата над 80 килограми, утре се враќа во Скопје. Тој се обрати до домашната јавност преку Фејсбук профилот на Македонската теквондо федерација и ги повика граѓаните на заедничка прослава на медалот пред порта „Македонија“ во 19:30 часот.
– Од срце ви благодарам за поддршката кон мене и мојот тим. Од Олимписките игри носам сребрен медал со златен сјај. Утре (четврток) ве повикувам кај порта „Македонија“ во 19:30 часот на заедничка прослава на овој голем успех, рече Георгиевски во обраќањето од Токио.