На веб-страницата на иранскиот врховен лидер, ајатолах Али Хамнеи е прикажано анимирано видео на кое се гледа роботизирано возило чија цел е атентат на поранешниот американски претседател, Доналд Трамп.
Анимираното видео е направено по повод атентатот врз иранскиот генерал Касем Сулејмани на 3 јануари во 2020 година, кој беше убиен во напад со американско беспилотно летало во Багдад.
На видеото, објавено вчера на веб-страницата на канцеларијата на Хамнеи, се гледа како Трамп е погоден од ирански дрон на терен за голф во неговиот дом во Мар-а-Лаго, на Флорида. На видеото е прикажан минатогодишниот пропаганден плакат, на кој исто така се гледа Трамп на терен за голф, повикувајќи на одмазда за убиството на Сулејмани.
Iran’s Supreme Leader Ali Khamenei has shared a video that appears to call for the assassination of Donald Trump in revenge for last year’s killing of its top military commander, Gen Qasem Soleimani. pic.twitter.com/bk1faSkdbk
— Hami Hamedi (@HamediHami) January 13, 2022
Претходно овој месец, иранскиот претседател Ебрахим Раиси побара Трамп да биде „прогонет и убиен“.
Генералот Касем Сулејмани, кој беше убиен во американски напад во Ирак, е вториот најмоќен човек во Иран, веднаш по ајатолахот Али Хамнеи. Сулејмани се сметаше за креатор на големите ирански амбиции на Блискиот Исток.