Швајцарија, дел од Германија и истокот на Франција се погодени од силно невреме, проследено со обилни дождови што го парализираа дел од сообраќајот во Штутгарт, наведоа денеска локалните власти.
Засега нема информации за евентуални жртви во Германија, за разлика од Швајцарија каде се повредени пет лица.
Неколку тунели на метрото во предградието на Штутгарт се поплавени, што предизвика делумен застој на сообраќајот, објави полицијата.
Stuttgart is drowning wtf pic.twitter.com/69UlkgnYwO
— franzi⁹¹ 🧣 (@killoldhabits) June 29, 2021
Се очекува дека силното невреме во регионот, со налети на ветрот од 100 км./ч., би требало да се движи кон средишниот дел на земјата.
– Возовите во регионот на Штутгарт во моментот не може да сообраќаат“, порачаа од компанијата „Дојче Бан“.
Силниот ветар го оштети и кровот на операта во Штутгарт, што е причина за откажување на сите претстави.
— Kessel.TV (@kesseltv) June 29, 2021
На удар на невремето се и Северна Рајна Вестфалија, Баварија, што е причина и за бројни интервенции на противпожарните екипи.