Вчера во Куманово е приведен Тони Трајковски, еден од осомничените за претепувањето на пратеникот Зијадин Села. Информацијата ја објавија повеќе медиуми на албански јазик, повикувајќи се на извори од СВР Куманово. МВР се уште официјално не ја потврдува информацијата.

Од видео снимката е идентификуван Кире Ѓорѓиевски, кој заедно со уште три лица го влечат Села низ собраниските ходници и изговараат вулгарни зборови, а еден од толпата довикува: „Каде е Заев, Заев ни треба, не овој“.

https://www.facebook.com/AlsatMTelevision/videos/463017257367834/

Според пишувањето на „Тетова Сот“, Ѓорѓиевски од Скопје е поранешен член на македонските воени сили за време на војната во 2001 година, а сега вработен во ЕЛЕМ Македонија. Како што тврди порталот, тој бил близок соработник на поранешниот премиер Никола Груевски и близок соработник на директорот на Државниот архив, Филип Петровски.

Кире Ѓорѓиевски

Ѓорѓиевски освен на таа снимка се гледа и на други за време на насилните протести во четвртокот. Според информациите на НОВА ТВ, Ѓорѓиевски засега не е достапен за МВР.

На сите досегашни објавени снимки не се гледа тепањето на пратеникот Села. Тоа најверојатно е регистрирано на собраниските камери, но МВР засега не соопштува детали.

Пратеникот Зијадин Села беше крвнички претепан и доби најмногу ќотек. Според сведоштвата на снимателите кои биле во Прес центарот, го тепале повеќе насилници со шипки, го газеле по лицето и телото и мислеле дека е мртов.

Според болнички извори Села има четири скршеници на лицеви коски и едно ребро, а од урадите имал крварање во мозокот од кое како последица има оток на мозочната кора и било среќа што хематомот не зафатил витални центри во мозокот, зошто
се наоѓа на само еден сантиметар од центрите во мозокот кој ја контролираат моториката.