Дали ние, луѓето, сакаме да продолжиме да живееме добро и безбедно на оваа планета? – Човештвото се соочува со егзистенцијална закана – целиот свет започнува да го воочува тоа. Горат шуми од Америка до Австралија. Пустините растат во Африка и во Азија. Покачените нивоа на морето се закана како за европските градови така и за островите во Пацификот.
Човештвото и порано сведочело на вакви појави, но никогаш со толкава брзина. Науката ни вели дека сè уште може да ја запреме оваа епидемија, но и дека имаме сè помалку време за тоа.
Европска комисија не губи време. Денес, помалку од две седмици по почетокот на мандатот на новиот состав на чело со Урсула фон дер Лајен, се промовира Европскиот зелен план. Целта е Европа да стане прв климатски неутрален континент до 2050 година, забавувајќи го глобалното затоплување и ублажувајќи ги неговите последици. Ова е задача за оваа генерација, но и за наредните. Промените мора да започнат сега и се истакнува увереност во ефектите.
Европскиот зелен план е новата стратегија за раст на Европа. Тој ќе ги намали емисиите, истовремено креирајќи работни места и подобрувајќи го квалитетот на живот. Зелената нишка ќе провејува низ сите политики – од транспорт до оданочување, од храна до земјоделство, од индустрија до инфраструктура. Интенција е со т.н. „Зелен план“ да се инвестира во чиста енергија и да се прошири опфатот на тргувањето со емисии, но со него, исто така, ќе се стимулира и кружната економија со цел и зачувување на биолошката разновидност на Европа.
Автор: Урсула фон дер Лејен, претседателка на Европската комисија