Висока иранска делегација отпатува во Швајцарија на преговори со САД

Висока иранска делегација, предводена од претседателот на парламентот Мохамад Багер Галибаф, отпатува во Швајцарија на преговори со САД, објавија иранските државни медиуми.

Покрај Галибаф, во делегацијата се и министерот за надворешни работи Абас Арагчи, како и други високи функционери, меѓу кои претставници на националната безбедност, централната банка и нафтениот сектор.

Според медиумските извештаи, во авионот се и заменик-министерот за надворешни работи Казем Гарибабади и портпаролот на Министерството за надворешни работи Есмаил Багаеи.

Во пресрет на патувањето, Багаеи изјави дека Иран од САД ќе бара „да ги исполнат своите обврски“.