Влезот во центарот на Лондон со автомобил кој загадува отсега ќе чини 25 евра на ден, одлучија градските власти.
Новиот данок што се применува од денес изнесува 10 фунти (11,2 евра) на ден за влез во центарот на Лондон. Досега автомобилистите плаќаа 11,5 фунти (12,9 евра), данок воведен во 2003 година за влез во центарот на Лондон од 7 до 18 часот од понеделник до петок. Оваа мерка беше воведена за намалување на сообраќајните гужви додека цел на новата е борба против загадувањето на градот.
Данокот го доби името “токсичен данок”. Лондон предвидува постепено да го забрани движењето на возила на дизел и да воведе од 2019 година зона на ниски емисии.
Од 2040 година Велика Британија има намера да забрани продажба на автомобили на дизел и бензин за да се намали загадувањето со азотен диоксид (NO2).