Црвена звезда и официјално поднесе тужба во Париз за клевета и нарушување на угледот против сите кои пишуваа за наводно лажирање на мечот против ПСЖ во фудбалската Лига на шампиони.

„Фудбалскиот клуб Црвена звезда е шокиран од неверојатните обвинувања за наводно местење на натпреварот со ПСЖ што се одигра на 3 октомври во 2018 година. Апсолутно нема докази како поддршка на обвинувањата што очигледно се резултат на анонимна и злонамерна дојава“, се наведува во соопштението на адвокатската канцеларија во Париз што ги застапува белграѓани.

Тужбата за клевета е потпишана од адвокатите Ерик Дипон Морети и Антоан Веа. Целта за поведување на постапката идентификација и казнување на одговорните за лажните обвинувања.

„Црвена звезда е подготвена во целост да соработува со властите. Клубот со најмногу освоени шампионски титули во Србија и победник во Лигата на шампиони од 1991 година кога натпреварувањето носеше поинаков назив има намера да ја брани својата чест како и честа на управата, на фудбалерите, на навивачите. Повторно ја потврдуваме нашата посветеност на фудбалските вредности и интегритетот на спортското натпреварување“, стои во дописот на адвокатскиот тим.

Екипата на ПСЖ ја совлада Црвена звезда со 6:1, а угледниот париски весник „Лекип“ пренесе дека француското обвинителство отпочна истрага оти, наводно, функционер на белградските „црвено-бели“ се обидел да уплати пет милиони евра на пораз на српскиот првак со пет гола разлика.