Во Токио по злато: Ѓоковиќ ќе настапи на Олимписките игри

Првиот светски рекет, Новак Ѓоковиќ најави дека ќе учествува на Олимписките игри во Токио. По победата на Вимблдон, минатиот викенд, српскиот тенисер рече дека можеби нема да патува на Игрите.

– Горд сум што одам во Токио и заедно со нашиот тим ќе се борам за медал на олимписките терени. За мене, настапите за репрезентацијата на Србија отсекогаш претставувале посебна радост и мотивација, и ќе дадам сè од себе да нè направам сите среќни, изјави Ѓоковиќ за „Tennis World USA“.

Олимписките игри во Токио ќе се одржат од 23 јули до 8 август.