Од денес новинарите од весниците Дневник, Утрински весник и Вест го зголемуваат времетраењето на штрајкот на 8 часа.

Ваквата одлука на штрајкувачките одбори е од причини што и по ветувањата од раководството дека се прават напори за да се исплати  јануарската плата, платата за месец јануари 2017 година не е исплатена и нема никаквов прецизен рок кога тоа ќе се случи, а нема ниту прецизна информација што ќе се случува со компанијата во наредниот период.

Камчев и Станисављева го напуштија МПМ

Револтот кај вработените е веќе преголем поради влошената економско-социјална положба  и игнорантскиот однос на менаџментот.

МПМ практично остана само во рацете на Срѓан Керим, откако Орце Камчев информираше дека се повлекол од Медиа Принт Македонија, а неодамна и Јана Станисављева се тргна од раководната позиција во МПМ.