Симона Халеп и Гарбине Мугуруза ќе играат во женското финале на Мастерсот во Синсинати што се игра за награден фонд од 2,536,154 милиони долари. Романката во полуфиналето ја декласира Слоун Стивенс од САД со 6:2, 6:1 и по вторпат во кариерата ќе атакува на титула на турнирот во Охајо.
Мугуруза, пак, до своето прво финале во Синсинати стигна по убедливиот триумф против Каролина Плишкова со 6:3. 6:2. Иако чешката тенисерка важеше за фаворит на хартија, сепак, нејзината колешка од Шпанија остана фокусирана и со мирна рака за втора победа против водечка тенисерка на ВТА листата во оваа сезона. Претходно славеше во три сета и над Анжелик Кербер на Вимблдон.
„Секој меч е добар кога ќе победите број еден во светот. Одлично се чувствував на теренот и имав целосна контрола во натпреварот. Се одеше во моја полза. Настојував да бидам што повеќе агресивна и да не размислувам премногу на нејзината игра. Не паничев во ниту еден момент бидејќи знаев дека тоа да ме доведе во опасност“, изјави Мугуруза.
Димитров во машкото финале со подобриот меѓу Кирјос и Ферер
Григор Димитров е прв финалист на машкиот дел од турнирот во Синсинати по победата низ два тај-брејка против Американецот Џон Изнер. Негов ривал во мечот за титулата ќе биде подобриот од второто полуфинале меѓу Ник Кирјос и шпанскиот ветеран Давид Ферер што се игра ноќеска.
ВТА Мастерс во Синсинати/награден фонд 2,536,154 милиони долари
Полуфинале
Халеп (2., Романија) – Стивенс (САД) 6:2, 6:1
Мугуруза (4., Шпанија) – Ка. Плишкова (1., Чешка) 6:3, 6:2
АТП Мастерс во Синсинати/награден фонд 5,627,305 милиони долари
Полуфинале
Димитров (Бугарија) – Изнер (САД) 7:6, 7:6