Published: Wednesday, May 24, 2017 23:20
„Негова работа е да известува од земјата“, изјави српскиот премиер Александар Вучиќ во врска со присуството на претставник на српската разузнавачка служба БИА во насилните напади на Собранието на 27. април.
Горан Живаљевиќ, офицер на српската разузнувачка агенција БИА, актуелен дипломат и советник во српската амбасада во Скопје на 27 април, за време на инцидентите бил внатре во Собранието, објави истражувачкиот тим на телевизија Телма и весникот Коха.
Горан Живаљевиќ потврди дека бил присутен во Парламентот по службена должност, за да види дали во инцидентите учествуваат и лица од Србија, навивачи или екстремисти.
Мандатарот Зоран Заев изјави дека со Вучиќ не разговарале за улогата на српскиот разузнавач.
„Не разговаравме за тоа, тоа е работа на службите и тие ќе решаваат. Среќен сум што разговаравме за потребата на нашите граѓани да ја унапредиме соработката“, изјави Заев по заедничката средба на петте балканските лидери во Брисел на високата претставничка на ЕУ за надворешна политика и безбедност, Федерика Могерини.