Парите по сите основи се враќаат назад кон граѓаните. Годишно враќаме во просек по околу 800 милиони евра, тоа се 3,2 милијарди за четири години. Пари што претходно се трошеа за споменици, музеи, во Белизе. Денес тие пари се враќаат кон граѓаните и продолжуваме да ја јакнеме економијата, рече премиерот Зоран Заев на трибината „Најдоборо за нашата општина“ во Валандово.

Тој додаде дека во четирите години власт на СДСМ, постојано се намалува и стапката на невработеност.

– Стапката на невработеност во 2017 година беше 24 проценти, а сега по пандемијата и кризата таа е 16 проценти. Приходите во буџетот растата и во споредба со 2019 година, што ни покажува дека се зајакнува еконоијата, рече Заев.

Тој додаде дека стапката на невработенсот кај младите од 57 проценти е намалена на 40 проценти и најави нови програми за вработување на младите кои ќе започнат од есента.

– Позитивните економски параметри потврдуваат дека се исправни политиките кои ги водииме и тие носат резултати. Само по тој пат можеме да доживеме економски стандард каков што се надеваме и каков што треба да имаме како европска земја, рече Заев.

Премиерот додаде дека крајната цел на сите политиките, без разлика дали се меѓународни или домашни е зголемен економски раст и правењето на земјава во подобро место за живеење.

– Резултатите ги имаме, нема веќе плати по осум и пол, девет илјади. Минималната плата пред 4 години беше девет илјади, а денес е над 15 илјади. Тоа направи и сите други плати да растат. Пред четири години просечната плата беше 22.500 денари, а денес изнесува над 28.000, рече Заев.