Со балони во различни бои, лидерот на СДСМ Зоран Заев и лидерот на партијата за Европска иднина Фиат Цаноски, вечерва во рамките на Шарената револуција, го бојадисаа Министерството за правда.
-Овој перформанс на сите нас хулиганите и хулиганките, составен дел на Шарената револуција беше чин на солидарност кон сите овие другари и другарки кои се под мечот на неправдата и репресијата од страна на оваа власт за да споделиме повеќе илјади граѓани, вклучително и нас лидерите на политичките партии на понесување на одговорноста на фарбање на институциите кои се веќе делигитимирани во Република Македонија. Нека не казнат сите нас, сите кои не гледате како претседатели на партиите, а се илјадници на број. Не може да не казнат, не може да не заплашат. Секој нивен чекор на запшување, значи охрабрување на граѓаните. Влегуваме во финале и бегање нема, секој мора да одговара во Македонија, рече Заев.
„Нема повлекување“, порача Заев.
Боја фрз новата фасада на Министерството за правда, фрлија и заменик претседателката на СДСМ Радмила Шекеринска и пратеникот Петре Шилегов.
Колоната демонстранти во моментов се движи кон Собранието. На раскрсницата пред штабот на ВМРО ДПМНЕ, „шарените“ на улица напишаа „раскрстивме со вас“, а претходно положија свеќе пред споменикот на Јосип Броз Тито.