„Време е да бидеме храбри, да гледаме кон иднината и да ја зграпчиме шансата за која целиот свет вели дека е историска“ кажа премиерот Заев на прославата на 8-ми септември Денот на независноста, што се одржува во дворот на Владата.
За Договорот со Грција, Заев кажа дека со решението се зачувуваат јазикот и идентитетот и повеќе никој не може да ги оспорува.
„Договорот со Грција потврдува дека во оваа земја живеат Македонци и Македонки кои зборуваат македонски јазик и тоа е потврдено за век и векови. Никој повеќе не може да го порекне нашиот идентитет и јазик“ кажа Заев.
Тој ги повика младите да го следат примерот на повозрасните кои покажале дека знаат да носат вистински одлуки кога тоа било потребно, и ги повика масовно да излезат на референдумот на 30 септември.
„Вклучете се во историската одлука која е пред нас, бидете гласни и преземете конкретен чекор на 30 септември за вас и за вашата иднина – вие одлучувате дали ке останеме изолирани или ќе одиме во европските и светските семејства. Ве повикувам да избереме европско семејство во кое ќе бидеме безбедни и заштитени и ќе имаме сојузници со кои зедно ке одиме напред“ кажа Заев.
Исто така, тој побара од нив да ги убедат и нивните родители и баби и дедовци да излезат на референдумот и да гласаат за иднината на младите затоа што секој глас е важен.
Заев вели дека е патриотска должност да се гласа на 30 септември затоа што патриот е оној кој го почитува минатато но гледа во иднината.