Лидерот на СДСМ, Зоран Заев испрати порака до членството на партијата во која бара мобилност, разговори со граѓаните, уважување на сечиј став и повик за обединување во пресрет на вториот круг на локалните избори на 31 октомври.
Другари и другарки, СДСМ е во акција! – Разговарајте со граѓаните и уважете сечиј став. Барам од секој од вас да повика на обединување за да продолжиме напред. Ваш З. Заев, гласи СМС пораката на претседателот на владеачката партија до членството
Првата порака до моите партиски другари, рече вчера Заев, е дека „добивме „жолт картон“ од граѓаните и од тоа колку ќе го послушаме нивниот глас зависи дали тој ќе стане црвен, за секој од нас и за сите нас“.
Заев: Добивме „жолт картон“ од граѓаните, СДСМ веќе постапува по насоката на народот
На вчерашната прес-конференција тој упати благодарност до партнерите од владината коалиција кои, како што наведе, јасно порачаа дека „остануваме заедно на демократскиот и европскиот пат и ги потврдија своите заложби држават да продолжи да се движи напред“.