Лидерот на СДСМ, Зоран Заев говорејќи пред жителите на Неготино во рамките на предизборната кампања, вечерва им порача на луѓето од овој крај дека самиот работел земјоделство, и дека затоа ги разбира нивните грижи.
На вечерашниот митинг на плоштадот во Неготино, Заев оцени и дека Никола Груевски ќе изгубел во четвртата изборна единица.
– Како не му е жал, да ве остави да висите по откупни пунктови и винарии, за нешто што сте го работеле со труд, со пот. Цела Македонија го молеше да интервенира, не дојде, ве остави уништени. Е затоа Неготино ќе казни и ќе даде придонес за промените, рече Заев во својот говор.
Тој пред неготинчани порача дека македонскиот земјоделец ќе биде достоинствен, а не како најсиромашен на светот.
– Има глобална побаувачка на храна, недозволиво е ова, ова во Македонија е само поради аздисаната, забегана власт што ја уништи Македонија, им се обрати Заев на жителите.
– Вие сте мојот народ, а јас имам работено земјоделство, ова е последна реколта кога сте потценети и згазени. Државата ќе гарантира откуп на грозјето и на сите земјоделски производи, додаде тој.