Свјатослав Паламар, заменик-командантот на Азовскиот полк, објави видео во траење од 18 секунди во кое вели дека тој и другите команданти се уште се на територијата на фабриката.
„Во тек е операција, чии детали нема да ги обелоденувам. Ви благодарам на целиот свет и благодарам на Украина за (вашата) поддршка. Се гледаме“, рече тој, пренесе Ројтерс. Не е јасно колку борци останале внатре.
Ова го пренесе Би-би-си, од каде наведуваат дека не е јасно на која операција војникот мисли.
Руското Министерство за одбрана соопшти дека претходниот ден се предале 771 борец од Азовскиот полк, со што вкупниот број на предадени војници од 16 мај се зголемил на 1.730.
Украинските власти одбија да коментираат, велејќи дека тоа може да ги загрози спасувачките напори.
Денис Пушилин, шеф на сепаратистичката Народна република Доњецк, поддржана од Русија, во која сега е вклучен и Мариупол, рече дека повеќе од половина од борците се предале и биле однесени неповредени во казнена колонија контролирана од Русија во близина на Доњецк.
„Нека се предадат, нека живеат, нека се соочат со обвиненијата за сите нивни злосторства“, рече тој.
На Русија ѝ треба Мариупол, едно од главните пристаништа на Украина, за да ја консолидира својата контрола врз територијата што ја окупираше долж брегот, достигнувајќи сè од запад до анектираниот Крим.
Москва го прикажува овој полк како еден од главните извршители на наводниот радикален антируски национализам и неонацизам што му се заканува на украинскиот народ што зборува руски.
Единицата, формирана во 2014 година за борба против сепаратистите поддржани од Русија, негира дека е фашистичка, расистичка или неонацистичка.
Кремљ најави дека борците ќе бидат третирани во согласност со меѓународните норми.
The deputy commander of the Azov Regiment, Svyatoslav Palamar ("Kalina"), left #Azovstal last night, states #Russian propagandist Dmitry Steshin.
There is no other confirmation of this information. pic.twitter.com/zER61CcrXM
— NEXTA (@nexta_tv) May 19, 2022