Елина Свитолина е новата сопственичка на титулата на завршниот Мастерс во Сингапур со награден фонд од седум милиони долари. Украинката во финалето ја порази Слоун Стивенс со 3:6, 6:2, 6:2 за освојување на највредниот трофеј од вкупно 13. колку што има во кариерата. Воедно таа е прва тенисерка по Серена Вилијамс во 2013 година која успеала да се искачи на тронот без загубен меч.
Статистиката говори и дека Свитолина го одигра деветтото финале на ВТА турнирот во последните две години и во секое од нив излегуваше како победничка. За успехот во Сингапур доби и чек на износ од 1,9 милиони долари.
На патот до финале, украинската тенисерка ги победи Петра Квитова, Каролина Плишкова и Каролина Возњацки во групната фаза по што го доби и полуфиналето со Кики Бертенс. Триумфот над Стивенс значеше четврта нејзина турнирска победа во 2018 година по Бризбејн, Дубаи и Рим.
ВТА Мастерс во Сингапур/награден фонд 7 милиони долари
Финале: Свитолина (Украина) – Стивенс (САД) 3:6, 6:2, 6:2