Соединетите Американски Држави нарачаа 10 милиони дози од лекот против ковид-19 на „Фајзер“ во вредност од 5,29 милијарди долари, а претседателот Џо Бајден најави дека ќе го сподели бесплатно.
Фармацевтската компанија, која продава антивирусната вакцина во соработка со „Бајонтек“, на почетокот на неделава поднесе барање за итно одобрување на долгоочекуваниот лек, кој лесно се зема во домашни услови, во првите денови на симптомите во случај на зараза.
Дури и ако агенцијата допрва треба да даде зелено светло, јас веднаш презедов чекори за да гарантирам доволни количини лекови за американското население. Владата ги презема „неопходните чекори за да гарантира дека лекот ќе биде лесно достапен и бесплатен, рече Бајден, инсистирајќи на важноста на вакцината.
Антивирусниот лек, кој ќе се продава под името „Паксловид“ бил 89 отсто ефикасен во клиничките испитувања против хоспитализирање и смрт кога се земал во рок од три дена од почетокот на симптомите. Овие студии беа спроведени меѓу лица со висок ризик да развијат тешки форми на ковид-19.
Антивирусни лекови ја намалуваат способноста на вирусот да се реплицира и на тој начин ја забавуваат болеста. Тие се клучно дополнување на вакцината против ковид-19.
Вакцинацијата е сè уште најважна за заштита на себе и на другите и за запирање на оваа пандемија. Но, за оние кои ќе се разболат и им се закануваат тешки последици, апчињата би можеле да ги спасат од одење во болница, наведе американскиот секретар за здравство Ксавиер Бесера.
Нарачката на Вашингтон предвидува 10 милиони дози од лекот, а првата пратка ќе пристигне до крајот на годината и на почетокот на 2022 година.