Мухамед Зекири, потпретседател на СДСМ и пратеник во последниот парламентарен состав, Мухамед Зекири преку својот Фејсбук профил објави дека е позитивен на ковид-19, вирусот, според неговиот пост, е детектиран и кај сопругата и кај тримесечната ќеркичка.
„И покрај внимателноста и придржувањето до препораките за минимум контакти, би сакал да ве информирам дека јас, сопругата и тримесечната ќерка имаме позитивни резултати на ковид-19. За среќа немам никакви симптоми, но тестот покажа позитивен резултат. Уште еднаш апелирам до сите да не го потценуваат вирусот и да бидат максимално внимателни. Доколку имате и најмали сомневања, одете и тестирајте се“, порача Зекири.
Зекири притоа и јавно се извини до сите со кои имал контакт во изминатиот период и изразува жалење што со ваквото негово сознание ги довел во непријатна ситуација.