Зеленски: Да имавме оружје како што има Русија, оваа војна ќе беше завршена

Војната би завршила доколку мојата земја имаше пристап до сето оружје што и е потребно, „што е споредливо со оружјето што го користи Руската Федерација“ изјави претседателот на Украина, Володимир Зеленски , пишува „Гардијан“.

Во ноќното обраќање, Зеленски рече дека е неправедно што Украина сè уште е принудена да го бара „она што нејзините партнери го складираат некаде со години“.

Зеленски додаде дека ситуацијата во опколениот Мариупол е тешка како и досега, и дека интензитетот на нападот на руските сили врз Харков, Донбас и Днепар е „значително зголемен“, пишува британскиот весник.